මහ රහත් කථා

ප‍්‍රවීණ ලේඛක හලලියේ කරුණාතිලක ලියූ යූ ”නිවන් මග උදම් වැකි” (ථේර ගාථාට්ඨ කථා* ග‍්‍රන්ථය ඛුද්ධක නිකායට අයත් ථේරගාථාට්ඨ කථාවලින් සහ ධම්මපදට්ඨ කථාවලින් තෝරාගත් කථා කිහිපයක් ඇසුරෙන් සම්පාදිතය. මෙම කෘති ලොකු කුඩා කාහටත් තේරෙන සරල බසින් රසවත්ව ඉදිරිපත් කර තිබේ. 
”නිවන් මග උදම් වැකි” කෘතියේ මහ රහතන් වහන්සේලා ලැබූ නිවන් සුවය නුවණින් විමසා කළ ප‍්‍රීති උදාන වාක්‍යයන් සිය අතීත කථා හා ගලපමින් පෙළ ගස්වා ඇත. උන්වහන්සේලා අනවරාග සංසාරය පුරා අත්විඳි කටුක හා මිහිරි සංසිද්ධීන්  මෙමගින් ප‍්‍රකාශිත වේ.